வாழைத்தண்டு பொரியல்

 தேவையான பொருட்கள் :

வாழைத்தண்டு - 1

கடலை பருப்பு - 2 tsp

கடுகு - 1 tsp

காய்ந்த மிளகாய்-3

கறிவேப்பிலை - சிறிதளவு

வெங்காயம் - 2

உப்பு - தே.அ

துருவிய தேங்காய் - 1 கப்

செய்முறை :

வாழைத்தண்டை நார் இல்லாமல் நன்கு சுத்தம் செய்துகொள்ளுங்கள். பின் குக்கரில் போட்டு தண்ணீர் ஊற்றி 2 விசில் வர வேக வைத்துக்கொள்ளுங்கள்.

பின் தண்ணீரை வடிகட்டி தனியாக எடுத்து வைத்துக்கொள்ளுங்கள்.

கடாய் வைத்து எண்ணெய் ஊற்றி கடுகு போட்டு பொறிந்ததும் கடலை பருப்பை போடுங்கள். சிவந்ததும் காய்ந்த மிளகாய் , வெங்காயம் , கறிவேப்பிலை சேர்த்து வதக்கிக்கொள்ளுங்கள்.

வதங்கியதும் வேக வைத்த வாழைத்தண்டை சேர்த்து கலந்துவிடுங்கள்.அதோடு உப்பையும் சேர்த்துக்கொள்ளுங்கள்.

5 நிமிடங்கள் கழித்து துருவிய தேங்காய் சேர்த்து பிரட்டி எடுத்து சில நிமிடங்கள் வெந்ததும் அடுப்பை அணைத்துவிடுங்கள்.

அவ்வளவுதான் வாழைத்தண்டு பொரியல் தயார்.