மீல் மேக்கர் வடை

தேவையான பொருட்கள்:

மீல் மேக்கர் - 100 கிராம்

பொட்டுக் கடலை மாவு - அரை கப்

பெரிய வெங்காயம் - 1

கரம் மசாலா - ஒரு ஸ்பூன்

கறி மசாலா - ஒரு ஸ்பூன்

இஞ்சி, பூண்டு, விழுது - ஒரு ஸ்பூன்

சோம்பு, சீரகத்தூள் - ஒரு ஸ்பூன்

மஞ்சள் தூம் - கால் ஸ்பூன்

சோள மாவு - ஒரு ஸ்பூன்

கொத்தமல்லி, புதினா, கறிவேப்பிலை, எண்ணெய், உப்பு - தேவையான அளவு

செய்முறை

ஒரு கிண்ணத்தில், பொட்டுக் கடலை மாவு, சோள மாவு, மஞ்சள் தூள், சோம்பு மற்றும் சீரகத்தூள் ஆகியவற்றை எடுத்துக் கொள்ள வேண்டும். அத்துடன் கறி மசாலா, கரம் மசாலா, இஞ்சி பூண்டு விழுது, பொடியாக நறுக்கிய புதினா, கொத்தமல்லி, கறிவேப்பிலை, பச்சை மிளகாய், பெரிய வெங்காயம் சேர்த்து கொஞ்சம் கொஞ்சமாக தண்ணீர்விட்டு பிசைந்துக் கொள்ளவும்.பிறகு, வெந்நீரில் கேவ வைத்து பொடியாக நறுக்கிய மீல் மேக்கர், உப்பு சேர்த்து வடை பதத்திற்கு தயார் செய்துக் கொள்ளவும்.இதன் இடையே, வாணலியை அடுப்பில் வைத்து பொரிப்பதற்கு எண்ணெய் ஊற்றி சூடாக்கவும். கலவையில் இருந்து மாவை கொஞ்சம் கொஞ்சமாக எடுத்து வடைப்போல் தட்டி, சூடான எண்ணெய்யில் போட்டு பொன்னிறமாகும் வரை பொரித்து எடுக்கவும். இப்போது சுவையான மீல் மேக்கர் வடை ரெடி.